Umuhanzikazi Bwiza n’umuraperi Zeo Trap bifatanyije n’abanyarwanda banagenera ubutumwa urubyiruko muri iki gihe u Rwanda n’isi bibuka Jenoside yakorewe abatutsi ku nshuro ya 31.
muri iki gihe abanyarwanda n’isi bari kwibuka ku nshuro ya 31 Jenoside yakorewe abatutsi mu 1994 abahanzi batandukanye bakomeje kugaragaza ko bifatanyije n’abandi banyarwanda muri ibi bihe bitoroshye u Rwanda n;inshuti z’u Rwanda bibuka Jenoside yakorewe abatutsi mu 1994.
Bwiza yisunze urukuta rwa Instagram yagize ati ” muri ibi bihe twibuka ku nshuro ya 31 Jenoside yakorewe abatutsi, nifatanyije n’abanyarwanda by’umwihariko ababuze ababo bazize uko bavutse.
yakomeje ati ” Ndasaba urubyiruko by’umwihariko abakoresha imbuga nkoranyambaga kudaceceka mu gihe babonye abahakana cyangwa bagapfobya Jenoside yakorewe abatutsi.
umuhanzi Zeo Trap nawe yageneye ubutumwa urubyiruko bwo gukomeza gusigasira amateka igihugu cyanyuzemo,kurwanya abashaka gupfobya Jenoside yakorewe abatutsi no gukwirakwiza ingengabitekerezo ya Jenoside kuko urubyiruko arirwo hazaza igihugu gifite.
uyu muhanzi yakomeje asaba urubyiruko gukora ibihangano bitanga ubutumwa bw’isanamitima no kugira inama urubyiruko muri iki gihe cyo kwibuka.
