Mu buzima bwa buri munsi, kwita ku buzima ni inshingano ya buri muntu. Nubwo kwa muganga ari ho hakorerwa ibipimo byinshi byimbitse, hari ibipimo by’ingenzi bishobora gukorerwa mu rugo, bikafasha umuntu kumenya uko ahagaze no gufata ingamba hakiri kare. Ibipimo by’ubuzima bikorerwa mu rugo ni uburyo bwo gupima ibimenyetso by’ingenzi by’umubiri ukoresheje ibikoresho byoroheje, bitagombye kujya kwa muganga buri gihe.Ibi bipimo bifasha gukurikirana ubuzima no kumenya ibibazo bishobora kuvuka.
Ubwoko bw’ibipimo bikorerwa mu rugo harimo gupima umuvuduko w’amaraso ,iki gipimo gikorerwa hifashishijwe akuma kitwa bepi machine(BP machine). Gifasha kumenya niba umuvuduko w’amaraso uri ku rwego rusanzwe, uri hejuru cyangwa uri hasi.
Ikindi nu gupima isukari mu maraso ,Bipimwa hakoreshejwe gurukometa (glucometer). Iki gipimo ni ingenzi cyane ku bantu barwaye diyabete, kuko kibafasha gukurikirana urugero rw’isukari mu maraso buri gihe.
Ikindi ni ugupima ubushyuhe bw’umubiri, hifashishwa samometa( thermometer). Iki gipimo gifasha kumenya niba umuntu afite umuriro, bikaba ikimenyetso cy’indwara zitandukanye.
Mugupima ibiro by’umubiri hifashishwa balance weyiti sikero (balance weighing scale). Gifasha kumenya niba umuntu yiyongera cyangwa agabanuka mu bibiro, bikagira uruhare mu kumenya uko uhindura imirire yawe.
Mugupima uko umutima utera ukoresha isaha ureba uko umutima utera mu munota umwe cyangwa ubara ukoresheje inoko zawe.Mugupima uko umuntu ahumeka , ukabara inshuro uhumeka mu munota umwe. Bifasha kumenya niba guhumeka bikorwa neza.
ikindi kandi gupima urugero rwa oxygen mu maraso, hifashishwa akuma kitwa puragisimomet(apulse oximeter). Kerekana uko umwuka wa oxygen uri mu maraso ungana, bikaba ingenzi cyane ku barwayi b’indwara zifata imyanya y’ubuhumekero.
Akamaro k’ibi bipimoBifasha kumenya hakiri kare ibibazo by’ubuzima,bigatuma umuntu akurikirana ubuzima bwe buri gihe,Bikagabanya kujya kwa muganga kenshi ku bibazo byoroheje.Bifasha mu gufata ibyemezo byihuse igihe habonetse ikibazo.
Ibipimo by’ubuzima bikorerwa mu rugo ni ingenzi mu mibereho ya buri munsi. Bituma umuntu agira uruhare mu kwita ku buzima bwe no kwirinda indwara. Gukoresha neza ibi bipimo no kubihuza no kugana kwa muganga igihe bikenewe, bituma ubuzima buramba kandi bukarushaho kuba bwiza.
