Washington, D.C. – 22 Nzeri 2025 Amatora abera muri Leta Zunze Ubumwe za Amerika muri uyu mwaka wa 2025 akomeje kugaragaza isura nshya ya politiki, aho bamwe mu badepite n’abanyapolitiki bashya binjira mu ruhando rwa politiki, mu gihe indi myanya ikomeye igumye mu maboko y’amashyaka yombi akomeye: Abademokarate n’Abarepubulikani.
Intsinzi y’Abademokarate muri Virginia
Mu Virginia House 11 Special Election, James Walkinshaw, wahoze ari umujyanama wa depite Gerry Connolly, yatsinze ku majwi 75.3% ku mwiyamamariza w’Abarepubulikani Stewart Whitson wabonye 24.7%. Iyi ntsinzi y’Abademokarate yaje gukomeza kugabanya ikinyuranyo mu Nteko, aho Abarepubulikani bafite 219 imyanya mu gihe Abademokarate bafite 213
Boston: Michelle Wari ahanganye na Josh Kraft
Mu matora y’ibanze yo mu mujyi wa Boston, Meya Michelle Wu, ukomoka mu ishyaka ry’Abademokarate, yongeye kwegukana amajwi menshi (72%), aho azahangana na Josh Kraft, umuhungu wa nyiri ikipe ya New England Patriots, mu matora rusange azaba ku ya 4 Ugushyingo
Detroit: Mary Sheffield imbere mu matora
Mu matora y’ibanze ya Detroit, Mary Sheffield yaje imbere n’amajwi 50.8%, akurikiwe na Solomon Kinloch wabonye 17.4%. Sheffield ari mu bahabwa amahirwe yo gusimbura Mike Duggan, meya ugiye kwiyamamariza kuba guverineri wigenga aho kongera kwiyamamariza manda ya kane
Arizona: Umuryango wa Grijalva ukomeje politiki
Nyuma y’urupfu rwa Raul Grijalva wari uhagarariye Arizona House 7, umukobwa we Adelita Grijalva yatsinze amatora y’ibanze y’Abademokarate ku majwi 61.5%, akazahatana na Daniel Butierez w’Abarepubulikani mu matora rusange
New York City: Zohran Mamdani yatsinze Andrew Cuomo
Mu mujyi wa New York, Zohran Mamdani, umusosiyalisiti ukiri muto w’imyaka 33, yatsinze Andrew Cuomo wahoze ari guverineri ku majwi 56.4% nyuma y’ibarura ryakoreshejwe uburyo bwa ranked-choice voting. Mamdani ni we uhagarariye Abademokarate mu matora ya meya azaba muri Ugushyingo
New Jersey: Mikie Sherrill na Jack Ciattarelli mu matora rusange
Mu matora yo guhatanira umwanya wa guverineri, Depite Mikie Sherrill yatsindiye guhagararira Abademokarate, naho ku ruhande rw’Abarepubulikani, Jack Ciattarelli yagize amajwi menshi afashijwe n’inkunga ya Perezida Donald Trump
Florida na Wisconsin: Abarepubulikani bagumya imyanya, Abademokarate batsindira inkiko
Muri Florida, Abarepubulikani batsinze amatora abiri yo gusimbura abadepite Michael Waltz na Matt Gaetz, ariko amajwi atari menshi nk’uko byari byitezwe.
Muri Wisconsin, Susan Crawford yatsindiye umwanya muri Supreme Court ku majwi 55.1%, bikomeza guha Abademokarate amajwi menshi mu rukiko (4 kuri 3). Abaturage kandi batoye yego ku ivugurura rishyira itegeko rya voter ID mu itegekonshinga
Amatora y’uyu mwaka ari gufatwa nk’ikimenyetso cy’uko amatora y’igihe kizaza (2026 midterms) azaba akomeye cyane, cyane ko hari amahirwe menshi ko ishyaka ryombi rizakomeza guhatanira kugumana cyangwa kwegukana ubwiganze mu Nteko.
