Amakipe abiri ahagarariye u Rwanda mu mikino ya Shampiyona Nyafurika mu mikino ya volleyball mu makipe y’amakipe yabaye aya mbere iwayo, CAVB Club Championship 2025, ariyo APR VC na Kepler VC, yose yitwaye neza mu mikino y’amatsinda bihita biyahesha kubona itike ya 1/8 cyirangiza
Iri rushanwa riri kubera mu mujyi wa Misrata muri Libya, aho amakipe atandukanye yaturutse hirya no hino hano muri Africa ari gukina imikino y’amakibe yabaye ayambere iwaba ibizwi nka , CAVB Club Championship 2025, bityo APR VC na Kepler VC nazo zagiye zihagarariye u Rwanda zikaba zitwaye neza zose zikabona itike ya 1/8.
Mu ijoro ryo ku wa Kane, tariki ya 24 Mata 2025, nibwo hakinwaga imikino isoza amatsinda kugira habone amakipe akomeza muri 1/8. Umumukino wabimburiye indi ni uwahuje Kepler VC ihagarariye u Rwanda na Wolaita VC yo muri Ethiopia, zombi zihererye mu Itsinda C. Kepler yitwaye neza cyane ibasha gutsinda amaseti 3-0 (25-19, 30-28, 34-32byahise biyihesha umwanya 2 mu itsinda ihereyemo ikahita ibona itike ya 1/8.
Ku rundi ruhande, APR VC nayo ihagarariye u Rwanda yari mu Itsinda D, yakinnye na Al Nasser Sports Club yo muri Libya, birangira nayo yitwaye neza aho yaje itsindwa amaseti 3-1 (25–21, 20–25, 25–22, 25–22). Nubwo yatsinzwe, APR VC byayihesheje kurangiza k’umwanya wa gatatu, byayihesha amahirwe yo kujya muri ⅛ kubera imitegurire y’irusha hari n’ikipe iba iya gatatu bikayihesha kubona itike kubera ukuntu iba yaritwaye mu matsinda.
Imikino ya ⅛ iteganyijwe kuzaba kuri uyu wa Gatandatu, tariki ya 26 Mata 2025. APR VC aho izacakirana na General Service Unit yo muri Kenya, mu gihe Kepler VC izahura na Volleyball Club Espoir yo muri Repubulika Iharanira Demokarasi ya Congo.
Aya makipe yombe byitezwe ko azakomeza kwitwara neza no muri iyi mikino dore ko intego bahagurukanye ari ukutwara neza bagahagararira u Rwanda neza muri iyi mikino ny’ Africa .
APR VC nubwo yatsinzwe umukino wayo ntibyayibije kugera muri 1/8
Kepler VC izahura na Volleyball Club Espoir yo muri DRC mu mukino wa 1/8
APR VC izacakirana na General Service Unit yo muri Kenya muri 1/8
