Primier League yakomezaga muriyi wikendi k’umunsi wayo 29, ikipe ya Arsenal yatsinze Chelsea igitego 1-0 mu mukino wari utegerejwe n’abakunzi ba ruhago wabereye kuri Emirates Stadium kuri cyi cyumweru, tariki ya 16 Werurwe 2025. Iyi ntsinzi ishimangira ko Arsenal yigaranzuye Chelsea bwa mbere mu myaka 22 ishize, aho itsinze uyu mukino wa gatatu yikurikiranya iyakiriye mu rugo.
Uyu mukino wahuzaga amakipe abiri afite amateka akomeye mu Bwongereza, by’umwihariko Arsenal ishaka kugabanya ikinyuranyo na Liverpool iri ku mwanya wa mbere muri shampiyona aho irushwa amanota 12 na Liverpool ya mbere.
Ku munota wa 20, Mikel Merino yafunguye amazamu ku mupira mwiza wari uturutse muri koruneri, yaritewe na kapiteni odegard awuterekamo n’umutwe atsinze umunyezamu wa Chelsea. Iki gitego cyahaye Arsenal icyizere cyo kwiharira umukino. Igenda igerageza uburyo bwinshi bugiye butandukanye nubwo ntacyaje kuvamo.
Chelsea yagerageje gusatira nyuma y’iminota 30, ariko yabuze abakinnyi bayo bakomeye nka Cole Palmer na Nicolas Jackson, bigatuma itabasha kugera ku izamu rya David Raya kenshi wabonaga ko mugice cy’ubusatirizi nta ngufu nyinshi yarifite kubera kubura abo basore kuko abasore nka ban kuku nabandi ntacyo bagaragaje.
Mu gice cya kabiri, umukino watuje cyane, aho Arsenal yakomeje kwiharira umupira ariko nta buryo bwinshi bw’ibitego bwabonetse. Chelsea ntiyashoboye kubona igitego cyo kwishyura, bituma umukino urangira Arsenal itsinze 1-0.
Iyi ntsinzi yatumye Arsenal igira amanota 58, ikomeza guhangana na Liverpool ifite amanota 70 ku mwanya wa mbere. Chelsea yo yagumye ku mwanya wa kane n’amanota 49.
anchester United yatsinze Leicester City ibitego 3-0 mu mukino wabaye kuri uyu mugoroba. Rasmus Højlund yafunguye amazamu ku munota wa 28′ kuri pase ya Bruno Fernandes, nyuma y’akazi keza k’abakinnyi bo hagati ba Man Utd.
Mu gice cya kabiri, Alejandro Garnacho kuri pase Bruno Fernandes yatsinze igitego cya kabiri ku munota wa 67′, ashyira Manchester United mu mwanya mwiza wo gutsinda umukino.
Kapiteni Bruno Fernandes yongeye kwigaragaza, atsinda igitego cya gatatu ku munota wa 90′, akomeza kwerekana ko ari umukinnyi ngenderwaho. Kugeza ubu, Bruno amaze gutsinda ibitego 16 no gutanga assists 15 muri uyu mwaka w’imikino. Muri uno mukino atanze imipira ibiri ivamo ibitego anatsinda igitego. machester united ihise yisubiza umwanya wa 13 n’amanota 37.
Fulham Yatsinze Tottenham Ibitego 2-0
Undi mukino wabaye kuri uyu munsi, Fulham yatsinze Tottenham ibitego 2-0.
Carlos Vinicius yafunguye amazamu ku munota wa 78’, mbere y’uko Ryan Sessegnon ashyiramo igitego cya kabiri ku munota wa 88’, cyemeza intsinzi ya Fulham. Tottenham ntiyigeze yigaragaza cyane muri uyu mukino, bituma irushwa bigaragara.
Arsenal ubu irarushwa na Liverpool amanota 12
nyuma y’imyaka 22 Arsenal itsinze Chelsea imikino itatu yikurikiranya iyakira m’urugo
Mikel Merino niwe watsinze igitego cya Arsenal ku munota wa 20
Kapiteni Bruno Fernandes yongeye kwigaragaza, atsinda igitego cya gatatu atanga n’imipira ibiri yavuyemo ibitego
Alejandro Garnacho kuri pase Bruno Fernandes yatsinze igitego cya kabiri
Fulham Yatsinze Tottenham Ibitego 2-0
