Umuhanzi w’icyamamare Davido ukomoka mu gihugu cya Nigeria Ari kuratwa amashimwe ku mbuga nkoranyambaga cyane izivuga ku myidagaduro kubera ibigwi uyu mugabo amaze kugirira kuri Spotify muri uyu mwaka wa 2025.
Ni ibigwi agezeho nyuma y’uko agizwe uwa mbere mu banyanigeria bakora umuziki bashyize Hanze Alubumu muri uyu mwaka wa 2025 kugeza mu kwezi kwa karindwi kwawo zigakundwa cyane mu buryo bwo kugwiza umubare munini w’abazumvise baciye kuri uru rubuga rwa Spotify.
Kuri uru rutonde uyu muhanzi udatana no kugura ibigezweho Kandi bihenze byiganjemo imitungo irimo amazu,imodoka z’ubwoko butandukanye n’imikufi myiza Ari imbere y’abandi barimo Olamide Burnaboy n’abandi.
Alubumu ya mbere ni iyi ya Davido yitwa 5ive imaze kumvwa na Miliyoni 252 ikurikirwa na Deluxe edition yumviswe na Miliyoni 134 naho iya Gatatu ikaba No sign of weakness ya Burnaboy imaze ibyumweru bibiri byonyine hanze igejeje kuri Miliyoni 123.
Muzindi ziri kuri uru rutonde harimo iyitwa The machine is Coming igejeje kuri Miliyoni 122 naho iyitwa Captain ya BNXN ikaba imaze kugira Miliyoni 95.
