Ikipe ya FC Barcelona yatsinze Atletico Madrid ibitego 4-2, yisubiza umwanya wa mbere muri La Liga inganya amanota 60 na Real Madrid. Ni umukino ukomeye wabereye kuri Wanda Metropolitano, aho Atletico Madrid yari yakiririye FC Barcelona gusa Atletico Madrid yari ifite amahirwe yo kwigarurira icyizere cyo kugumana amahirwe ku gikombe, ariko Barcelona iyibera ibamba.
Atletico Madrid yatangiye neza
Ikipe y’umutoza Diego Simeone yatangiye umukino iri hejuru, ishaka igitego hakiri kare. Julian Alvarez yafunguye amazamu ku munota wa 45’, yongera amahirwe ya Atletico Madrid yo gutwara umukino. Ku munota wa 70’, Alexander Sørloth yatsinze igitego cya kabiri, cyashimangiye ko Atletico Madrid yari ifite umukino mu biganza byayo kuko byagaragaraga ko uyu mukino isa naho yari ifite amahirwe yo kuwutsinda bitewe n’uko wabonaga FC Barcelona yasaga naho bari bazi ko igiye gucika integer gusa siko byagenze mu m’inota 20 yanyuma.
Barcelona yagarutse mu mukino byihuse
Gutsindwa igitego cya Kabiri byaahise bikangura Barcelona, maze Robert Lewandowski atsinda igitego cyo kwishyura ku munota wa 72’. Barcelona yakomeje gusatira kuburyo bukomeye, maze Ferran Torres yishyurira ikipe ye ku munota wa 78’, umukino usubira bihita biba 2-2.FC Barcelona byayisabye iminota 6 gusa kuri ngo ihite igaruka mu mukino.
Atletico Madrid yakoze amakosa mu minota ya nyuma, bituma Lamine Yamal atsinda igitego cya gatatu ku munota wa 90+2’, agashyira Barcelona ku mwanya wa mbere. Ferran Torres, wari witwaye neza, yongeye gutsinda igitego cya kane ku munota wa 90+8’, afasha Barcelona gukomeza guhatana na Real Madrid ku gikombe.
Ikipe ya Atletico Madrid iragenda isezera ku cyizere cyo gutwara shampiyona, mu gihe Barcelona ikomeje kwerekana ko idashaka kurekura igikombe.La Liga igeze aho ikomeye koko nubwo aya makipe yombi anganya amanota gusa ikipe ya FC Barcelona iracyafite undi mukino w’ikirarane itarakina,niramuka itsinze izahita irusha Real Madrid amanota 3,mugihe hakibura imikino 9 ngo shampiyona irangire biracyakomeye cyane ubona ko nta kipe igomba gukora ikosa na rimwe,izakora ikosa izahita isigara.
Atletico Madrid bisa naho iyi kipe yo yatangiye gukuramo akarenge nyuma yo gutakaza uno mukino nyamara yagombaga kuwutsinda ikaguma guhatana.
Byageze ku munota 70 Atletico Madrid ifite ibitego 2-0
Ferran Torres yatsinze ibitego bibiri
