FC Barcelone yegukanye Igikombe cya Copa del Rey ku nshuro ya 32 mu mateka yayo, nyuma yo gutsinda mukeba wayo Real Madrid ibitego 3-2 mu mukino wa nyuma wabaye ku wa Gatandatu tariki ya 26 Mata 2025, kuri Estadio de La Cartuja mu Mujyi wa Seville.
Uyu mukino wabanjirijwe n’impaka nyinshi, aho Real Madrid yari yagaragaje impungenge ku basifuzi bazasifura umukino batangira no kuvuga ko batazajya gukina umukino, Ricardo de Burgos Bengoetxea na Pablo González Fuertes. Gusa, Ishyirahamwe rya Ruhago muri Espagne ryatesheje agaciro ibyo Real Madrid yavuga ko izajya gukina umukino aruko babahinduriye umusifuzi.
Mu mukino nyirizina, FC Barcelone yatangiye isatira cyane, itindana umupira hagati mu kibuga ndetse igatera amashoti atatu mu minota 20 ya mbere ubona ko yari hejuru mugice cya mbere cy’umukino. Iminota 27 yagezeho, Lamine Yamal yatanze umupira mwiza kuri Pedri wahise atsinda igitego cya mbere cya FC Barcelona.
Igice cya mbere cyarangiye FC Barcelone iyoboye n’igitego 1-0. Mu gice cya kabiri, Carlo Ancelotti yahise akora impinduka akuramo Ferland Mendy na Rodrygo, ashyiramo Fran GarcĂa na Kylian MbappĂ©.
Mbappé yazanye impinduka, atsindira Real Madrid igitego cyo kwishyura ku munota wa 69 kuri coup-franc. Imbaraga zakomeje kwiyongera ku ruhande rwa Real Madrid, maze Aurelien Tchouaméni atsinda igitego cya kabiri ku munota wa 76.
Gusa ibyishimo bya Real Madrid ntibyatinze kuko ku munota wa 84, Ferran Torres yahise atsindira FC Barcelona igitego cyo kunganya 2-2.
Mu minota 90 y’umukino amakipe yombi yari anganyije, bituma hongerwaho iminota 30 y’inyongera. Ni bwo Jules Koundé yahesheje FC Barcelona igitego cya gatatu cyabaye icy’intsinzi, gihesha iyi kipe igikombe cya Copa del Rey ku nshuro ya 32.
Nyuma y’umukino, abakinnyi ba Real Madrid bagaragaje kutishimira ibyemezo by’umusifuzi, bituma Lucas Vazquez na Antonio Rudiger bahabwa amakarita atukura.
FC Barcelona yatsinze Real Madrid umukino wa Gatatu muri uyu mwaka w’imikino
