Kuri wa Kabiri ikipe ya Real Madrid yabo itike iyerekeza kuri Final ya copa del Rey,mu ijoro ryakeye FC Barcelona nayo yabonye itike y’umukino wa nyuma wa Copa del Rey nyuma yo gusezerera Atlético Madrid ku giteranyo cy’ibitego 5-4. Mu mukino wo kwishyura wabereye kuri Civitas Metropolitano, igitego kimwe cya Ferran Torres cyafashije Barcelona gutsinda Atlético Madrid 1-0, bihita biha iyi kipe amahirwe yo gukomeza mu mukino wa nyuma.
Ikipe ya Barcelona izahura na mukeba wayo w’ibihe byose, Real Madrid, ku mukino wa nyuma uzaba tariki ya 26 Mata 2025. Real Madrid yo yari yabonye itike yayo ku munsi wabanje isezereye Real Betis kucyinyuranyo cy’ibitego 5-4, bityo aya makipe abiri azwiho guhangana bikomeye akaba akaba yisanze ku mukino wa nyuma wa Copa Del Rey.
Kuva yatangira akazi ke nk’umutoza, Hansi Flick ntiyari yatsindwa umukino wa nyuma na n’umwe. Uyu mutoza w’Umudage yagaragaje ko afite ubushobozi bukomeye bwo kuyobora Barcelona igakomeza kwitwara neza muri uyu mwaka w’imikino, ndetse no kugera ku mukino wa nyuma wa Copa del Rey ni ikimenyetso cy’ubuhanga bwe mu mubijyanye n’imitoreze ye yakomeje kugenda agaragaza ko afite ubunga by’umwihariko gutsinda Real Madrid n’ibintu bimworohera cyane.
Nyuma yo gusezerera Atlético Madrid, Flick agiye guhura na Real Madrid, ikipe izwiho kudakora ikosa ku mikino ya nyuma. Real Madrid ifite amateka akomeye muri ibi bihe bikomeye, aho kenshi iyo igeze kuri final ibasha kwegukana igikombe igikombe uko byagenda kose,yagiye ibigaragaza mu myaka yashize n’ubwo muri uyu mwaka Barcelona isa nkiyayishoboye cyane mumikino bamaze guhura yose yarayibatsinze ndetse inabarusha cyane,muribuka ubwambere yayitsinze 4-0,undi mukino iyitsinda 5-1.
Ubu haribazwa ikipe izegukana igikombe hagati ya FC Barcelona na Real Madrid. Umukino wa nyuma wa Copa del Rey hagati y’aya makipe yombi uzaba isubukurwa ry’amasinde akomeye hagati y’abakeba nyuma y’uko FC Barcelona imaze iminsi ibaza Real Madrid.
Real Madrid ifite igikundiro mu mikino ya nyuma kubera ubunararibonye bw’abakinnyi bayo nka mbappe Vinícius Júnior, Jude Bellingham na Luka Modrić, mu gihe Barcelona yo iziringira urubyiruko rwayo ruyobowe na Lamine yamal ndetse n’ubuhanga bwa Hansi Flick mu mikino ikomeye.
Ese Hansi Flick azakomeza umuvumo wo kudatsindwa ku mukino wa nyuma, cyangwa se Real Madrid izongera kwerekana ko ari ikipe idatsindwa ku mikino y’ingenzi? Igisubizo kizamenyekana tariki ya 26 Mata 2025.ibyo byose bizasobanuka tariki ya 26 mata 2025 dore ko ano makipe ari no guhanga no kwigukana La Liga naho rurageretse ntago birasobanuka.
Barcelona nayo yabonye itike y’umukino wa nyuma wa Copa del Rey nyuma yo gusezerera Atlético Madrid ku giteranyo cy’ibitego 5-4
Fc Barcelona yasezereye Atlético Madrid kucyinyuranyo cy’ibitego 5-4
Igitego cya Ferran Torres nicyo cyafashije Fc Barcelona kugera ku mukino wa nyuma wa Copa del Rey
