New Delhi, 16 Kamena 2025 – Indege ya Air India Express, yari itwaye abantu 242 ivuye mu mujyi wa Ahmedabad yerekeza London, yakoze impanuka ikomeye ubwo yageraga ku kibuga cy’indege mpuzamahanga cya Indira Gandhi i New Delhi. Iyo mpanuka yahitanye abantu 241 bari mu ndege, ndetse abandi barenga 38 bari ku butaka nabo barapfa, bituma umubare w’abapfuye ugera kuri 279.
Abashinzwe ubutabazi batangaje ko umuntu umwe gusa ari we warokotse iyo mpanuka. Uwo ni Vishwash Kumar Ramesh, wari wicaye ku mwanya wa 11A mu ndege. Yarokotse mu buryo butangaje, nyuma yo gusohoka mu cyuho cy’indege yari imaze kwibasirwa n’inkongi no gushwanyuka bikomeye.
Indege yo mu bwoko bwa Boeing 787-8 Dreamliner yagize ibibazo bya tekiniki ubwo yageraga ku butaka, igahita ishanyukira mu kibuga. Umuriro waturutse mu gice cy’inyuma cy’indege, wibasira vuba ibice by’imbere ndetse n’iby’imbere mu kibuga aho yaguye.
Abatangabuhamya bavuze ko bumvise urusaku rukomeye nyuma yo kubona indege igwa nabi, maze bakabona umuriro n’umwotsi mwinshi wuzura ikibuga cy’indege.
Urwego rw’iperereza ku mpanuka zo mu kirere mu Buhinde (AAIB) rwatangaje ko rwatangiye iperereza rifatanyije na:
NTSB (USA),FAA (ikigo gishinzwe indege muri Amerika),Boeing,n’inzobere ziturutse mu Bwongereza.
Agasanduku gafata amajwi mucyumba cy’abapilote (CVR na FDR) kamaze kuboneka, kazifashishwa mu kumenya icyateye iyo mpanuka. Raporo y’agateganyo ishobora kuboneka mu mezi atatu ari imbere.
Umuyobozi mukuru wa Air India, Ramesh Tiwari, yavuze ati: “iyi nimwe mu mpanuka zibabaje cyane mu mateka y’indege muri Aziya”, asaba ko haba “ubushishozi n’isesengura ryimbitse kugira ngo hatazagira ikindi gisa n’ibi kiba ukundi”.
Guverinoma y’u Buhinde nayo yihanganishije imiryango y’ababuze ababo, ndetse itangaza icyunamo cy’iminsi itatu ku rwego rw’igihugu.
