Abantu benshi baziko Telephone zihenze ku isi ari izi tubona cyangwa twuma zisohoka buri mwaka nyamara bakirengagiza ko hari andi moko ya Telephone akorwa ariko atajya avugwa kubera ibiciro byazo bihanitse.
Kubw’iyo mpamvu None tugiye kubagezaho amoko 10 ya Telephone ya mbere ahenze ku isokoku isi aho kuri uru rutonde rw’iza mbere harimo na Telephone igura Miliyari zikabakaba 50 mu mafaranga y’u Rwanda.
- Falcon supernova iphone pink diamond Ni telephone yakozwe hifashishijwe ibikoresho bikozwe muri zahabu aho yatwaye amafaranga menshi, kuri ubu ku isoko ikaba ihagaze agaciro ka Miliyoni 48.5 z’amadorali.
- Iphone 5 black diamond Iyi yo ni telephone ihuriyemo tekinoloji nyinshi aho yakozwe hofashishijwe ibice bitandukanye bya zahabu, ikaba igira itushe rimwe aho ku isoko igura asaga miliyoni 15 z’amadorali.
- Stuart hughes iphone 4s elite gold Iyi telephone iri mu ziza ku isoko zikunzwe kubera ubwenge bw’abazikoze zikaba zirimo ibintu byinshi bituma zigira agaciro cyane dore ko nayo ari mu zikorwa muri zahabu, iyi yo ihagaze miliyoni 9.4 z’amadorali.
- Stuart hughes iphone 4 Diamond Ni indi mu zakozwe hifashishijwe ibice bya Zahabu ya Diyama aho ibyo biyiha agaciro cyane ko yanakozwe n’uruganda rusanzwe rugurisha ibikoresho byihagazeho ku isoko, iyi igurwa arenga Miliyoni 8 z’amadorali.
- Goldstriker iphone 3Gs supreme Iyi telephone imigongo yayo igizwe na zahabu ndetse nayo yahawe uburyo bworoshya imikoresherezwe yayo ihabwa itushe rimwe aho iri mu ziri ku isoko zibasha gufata amashusho meza kandi mu ntera ndende ikaba yo ifite agaciro ka Miliyoni 3 z’amadorali ku isoko.
Izindi Telephone zihenze nyuma y’izi harimo:
- Iphone 3G kings button igura Miliyoni 2.5 z’amadorali
- Diamond crypto smartphone igura Miliyoni 1.3 y’amadorali
- Goldvish igura Miliyoni y’amadorali
- Gresso luxor las vegas jackpot igura Miliyoni y’amadorali.
