Teheran – Kamena 14, 2025 – Muri iki cyumweru, isi yose yakurikiye umwuka w’intambara uterwa n’igitero gikomeye Israel yagabye ku bikorwa bya gisirikare n’inganda za nucleaire muri Iran. Iki gitero cyiswe “Operation Rising Lion” cyateje impagarara mu karere k’Abarabu no ku rwego mpuzamahanga, gihungabanya umutekano n’ubukungu.
Mu ijoro ryo ku wa Kane rishyira kuwa Gatanu, Israel yohereje indege z’intambara, drone, n’ibisasu byo mu bwoko bwa missile, bigaba ibitero bikomeye ku nganda za nucleaire n’ibirindiro bya gisirikare bya Iran.
Ibikoresho byibasiwe byarimo: Inganda zikoreshwa mu gukora uranium,Icyicaro cya gisirikare cy’ingabo za IRGC (Islamic Revolutionary Guard Corps),Abayobozi bakuru b’igisirikare barimo Gen. Hossein Salami n’umuyobozi mukuru w’ubwirinzi, Mohammad Bagheri.
Minisitiri w’intebe wa Israel, Benjamin Netanyahu, yatangaje ko iki gitero cyari kigamije “gukumira icyago cya nucleaire” Iran iteganya, no kugarura ituze mu karere. Iran ntiyatevye gusubiza. Muri iryo joro nyine, yahise yohereza ibisasu birenga 100 birimo:Missiles za balistique,Drones z’ubutasi n’intambara,Bombes zoherezwa mu modoka z’abiyahuzi.
Ibi byibasiye uduce twa Tel Aviv, Ashkelon, n’ahandi hafi ya Gaza. Abaturage batatu barishwe, abandi barakomereka, ndetse hakangizwa inyubako nyinshi.Guverinoma ya Iran yavuze ko iki gitero ari “igikorwa cy’ubwirinzi bw’igihugu n’uburenganzira bwo kwihorera.”
Dr. Miriam Kohen, impuguke mu bya politike yo mu Burasirazuba bwo Hagati, yagize ati:
“Iki ni igikorwa gikomeye cyerekana intangiriro y’intambara ishingiye ku bya nucleaire. Iran izakomeza kwihagararaho, Israel nayo ntishobora kwemera ko ishyirwa mu kaga. Amasezerano y’amahoro hagati y’ibi bihugu n’akarere arimo gukendera.”
Umutekano w’akarere k’Abarabu n’isi yose uri mu kaga. Igikorwa cya Israel cyabaye nk’ubutumwa butaziguye bwo guca intege Iran, ariko igisubizo cya Iran cyerekanye ko guceceka bidashoboka. Ubu isi yose iritegereje niba impande zombi zafata inzira ya diplomasi, cyangwa niba zizinjira mu ntambara ishobora guhindura byinshi mu mateka y’akarere n’ubukungu bw’isi.
