Umukinnyi wa filime ubifatanya n’ubuhanzi, NIYITEGEKA Gratien umaze kumenyekana muri Cinema ku mazina ya Papa Sava kimwe n’abandi banyarwanda yifatanyije n’abandi muri ibi bihe byo kwibuka ku nshuro ya 31 Jenoside yakorewe abatutsi mu 1994.
mu buryo bw’amajwi yashyize hanze akubiyemo ubutumwa bwe ku banyarwanda muri ibi bihe byo kwibuka Jenoside yakorewe abatutsi mu 1994, Niyitegeka Gratien uzwi nka Papa Sava yagaragaje ko yifatanyije n’abanyarwanda muri ibi bihe byo kwibuka Jenoside yakorewe abatutsi mu 1994.
yanakomeje asaba abanyarwanda,urubyiruko byumwihariko abakoresha imbuga nkoranyambaga kudaceceka no guhashya abagifite ingengabitekerezo ya Jenoside.
Mu magambo ye ati ” muri ibi bihe twibuka ku nshuro ya 31 jenoside yakorewe abatutsi muwa 1994, nifatanyije n’abanyarwanda muri ibi bihe byumwihariko hari abapfobya bakanahakana Jenoside yakorewe abatutsi, ndasaba urubyiruko abahanzi bagenzi banjye, abakinnyi duhuje umwuga cyane cyane abakoresha imbuga nkoranyambaga kudaceceka”. Niyitegeka Gratien yasoje agira ati “Muze twese duhashye ingengabitekerezo ya Jenoside” Twibuke twiyubaka.
