Ikipe ya Rayon Sport ibinyujije ku mbuga nkoranyambaga zayo yatangaje ko yamaze gusinyisha Rutahizamu w’Umunye-Congo, Chadrak Bingi Belo amasezerano y’imyaka ibiri imukuye mu ikipe Daring Club Motema Pembe(DCMP) y’iwabo muri Congo.
Uyu musore w’imyaka 20 gusa y’amavuko akaba yashize umukono ku amasezerano ku gicamunsi cyo kuri uyu wa gatatu, akaba yarageze mu Rwanda mu ijo ryakeye ry’ejo hashize ku wakabiri tariki ya 8 Nyakanga 2025 aho yaje aje gusinya.
Chadrak Bingi Belo n’umwe mu bakinnyi beza bakiri bato bigaragaje muri shampiyona ya RDC, aho mu mwaka ushize w’imikino mu yatsinze ibitego 13, mu gihe umwaka wari wabanje wa 2023/2024 yari yatsinze ibitego 10.
N’ubwo Rayon Sport itanagaje amafaranga yaguze uno musore amakuru dukesha bnb FM aravuga ko uyu musore ashobora kuba yatanzweho agera kuri miliyoni 44 FRW kugira ngo asinye, akaba ari nawe mukinnyi uhenze kurusha abandi muri Rayon Sport uyu mwaka.
K’umunsi w’ejo nibwo Rayon Sport yavuze ko isigaje kugura abakinnyi batatu bahwanye na Miliyoni 75, bivuze ko basigaje kugura abandi bakinnyi babiri, Belo yabaye umukinnyi wa gatandatu Rayon Sports iguze muri iyi mpeshyi nyuma ya Musore Prince, Rushema Chris, Tambwe Gloire, Mohamed Chelly n’umunyezamu Drissa Kouyaté.
Umwaka uta Rayon Sport iakaba izatkisha Fall Ngagne, Biramahire Abedy ndetse Chadrak Bingi Belo n’uyu musore, isigaje kugura umukinnyi umwe ukina ayuze kumpande ndetse n’umukinnyi ukina inyuma ya barutahizamu ahazwi nko ku 10
Rayon Sport yasinyishije Umwataka w’umunye-Congo Chadrak Bingi Belo amasezerano y’imyaka ibiri
Uyu musore yatanzweho arenga miliyoni 44 FRW
Umwaka ushize w’imikino yatsinze ibitego 13
