Abahanzi nyarwanda barimo umuraperi Riderman na Ish kevin bagaragaje kwifatanya n’abanyarwanda muri iki gihe cyo kwibuka ku nshuro ya 31 Jenoside yakorewe abatutsi mu 1994.
mu buryo bw’amajwi umuhanzi Ish kevin yifashishije, yageneye ubutumwa abanyarwanda muri iki gihe cyo kwibuka ku nshuro ya 31 Jenoside yakorewe abatutsi mu 1994, agira ati ” Nifatanyije n’abanyarwanda bose muri ibi bihe twibuka ku nshuro ya 31 Jenoside yakorewe abatutsi, muri iki gihe hari abapfobya ndetse bahakana Jenoside yakorewe abatutsi, Ndasaba urubyiruko by’umwihariko abakoresha imbuga nkoranyambaga kudaceceka, Muze twese duhashye ingengabitekerezo ya Jenoside ubundi Twibuke twiyubaka”.
Uwitwa Gatsinzi Emery wamamaye mu muziki nka Riderman nawe yifashishije uburyo bw’ijwi agira ati ” Muri ibi bihe twibuka ku nshuro ya 31 Jenoside yakorewe abatutsi, nifatanyije n’abanyarwanda muri ibi bihe, muri iki gihe hari abapfobya ndetse bahakana jenoside yakorewe abatutsi, Ndasaba urubyiruko by’umwihariko abakoresha imbuga nkoranyambaga kudaceceka, twese muze duhashye ingengabitekerezo ya Jenoside”.
Twibuke twiyubaka
