Umubiligi ufite inkomoko mu gihugu cy’Uburundi Kevin De Bruyne, umwe mu bakinnyi bakomeye cyane ba Manchester City mu myaka icumi ishize, yafashe umwanzuro wo kuva muri iyi kipe ku mpera z’uyu mwaka w’imikino 2024/2025. De Bruyne, w’imyaka 32 y’amavuko, ubwo uyu mwaka w’imikino uzaba urangiye azaba ari umukinnyi wigenga ushobora kwerekeza aho ashaka, aho bivugwa ko ashobora gusinya muri shampiyona ya Major League Soccer (MLS) cyangwa muri Saudi Arabia.
Uyu mukinnyi wo hagati yashyize hanze ubutumwa bwuzuye amarangamutima asezera kuri Manchester City, abafana bayo, ndetse n’umujyi wa Manchester, aho yavuze ko byagize uruhare rukomeye mu buzima bwe no ku muryango we muri rusange,numwe mu bakinnyi beza babayeho shampiyona y’ubwongereza yagize bakina hagati mu kibuga,yagiye agirana ibihe byiza n’iyi kipe ari kumwe n’umutoza pepe ndetse ni umwe mu bantu bari bafite igikundiro hariya mu mugigi wa machester.
Ibikombe De Bruyne Yatwaranye na Manchester City
Mu gihecy’imyaka icumi amaze muri City, De Bruyne yayifashije gutwara ibikombe byinshi bikomeye, birimo:
🏆 Premier League (6) – 2017/18, 2018/19, 2020/21, 2021/22, 2022/23
🏆 FA Cup (2) – 2018/19, 2022/23
🏆 League Cup (5) – 2015/16, 2017/18, 2018/19, 2019/20, 2020/21
🏆 UEFA Champions League (1) – 2022/23
🏆 UEFA Super Cup (1) – 2023
🏆 FIFA Club World Cup (1) – 2023
Ni umwe mu bakinnyi bagize uruhare rukomeye mu guhindura Manchester City mu ikipe itinyitse ku ruhando mpuzamahanga, by’umwihariko nyuma yo gufasha iyi kipe gutwara igikombe cya Champions League ku nshuro ya mbere mu mateka yayo dore ko iy’ikipe ntayo yagiraga .
Nubwo amakipe yo muri Saudi Arabia amwifuza cyane, hari amahirwe menshi ko De Bruyne ashobora kwerekeza muri Major League Soccer (MLS) muri Amerika. Amakuru avuga ko San Diego FC, ikipe nshya muri iyo shampiyona, yifuza kumusinyisha nk’umukinnyi w’inyenyeri.
Nubwo yasezeye, yavuze ko ashaka gusoza neza uyu mwaka w’imikino hamwe na Manchester City, yitezweho gufasha iyi kipe guhatanira kuzitabira UEFA Champions League umwaka utaha dore ko bari guhanganira umwanya wa kane ,mbere yo kwerekeza ahandi.
Machester City igomba gutangira gushaka umusimbura we kuko uyu musore nubundi washatse kugenda umwaka ushize ariko bakamwumvisha ko agomba kuhaguma gusa kuri iyi nshuro yamaze gutangaza ko agomba kujyenda
Ese uyu mukinnyi azerekeza muri MLS, cyangwa azahitamo amafaranga ya Saudi Arabia? Tuzabimenya vuba mu minsi iri imbere!
Ubutumwa De Bruyne yashyize hanze atangaza ko azasezera machester city
yahesheje machester city champion league bwa mbere mu mateka yayo
Mu myaka icumi ishize yahesheje machester city ibikombe bitanu bya primier League
