Umuhanzi w’umunya nigeria Wizkid yagizwe umuhanzi mwiza w’icyumweru muri Nigeria kuri youtube aho yahize abarimo Burnaboy,Davido n’abandi.
Ni ku mibare igaragarira ku bafunguye bakanakina ibihangano by’abahanzi bo muri Nigeria aho iya Wizkid iza ari myinshi gusumbya iy’abandi basangiye uru ruganda rw’umuziki muri iki gihugu cya Nigeria kuko Wizkid arusha umugwa mu ntege abagera ku bihumbi 10.
Iyi mibare ni iyo mu cyumweru cyo kuva kuwa 19 Nzeri kugera kuwa 25 Nzeri 2025 aho Wizkid uri imbere n’abarebye indirimbo ze baciye kuri Youtube Miliyoni imwe n’ibihumbi 780 naho Asake umugwa mu ntege akaba yaragejeje kuri miliyoni imwe n’ibihumbi 770 bivuze ko arushwa na Wizkid wa mbere ibihumbi bitarenze 10 byonyine.
Mu bandi bahanzi bari muri batanu ba mbere harimo burnaboy uri ku mwanya wa gatatu we akaba yararebwe na Miliyoni 1 n’ibihumbi 660 agakurikirwa na Davido uri ku mwanya wa kane n’abamurebeye ibihangano kuri youtube bangana na Miliyoni 1 n’ibihumbi 630 naho Rema uri kuwa 5 akaba yaragejeje kuri Miliyoni imwe n’igice.
Abahanzi barimo Olamide,Fola,Seyi Vibez,BNXN na Gunna bari mu bandi bagaragara kuri uru rutonde cyakoze bo bakaba bari inyuma mu myanya y’inyuma ya 5 cyakora bose hakaba ntanumwe uri hasi ya Miliyoni.
Rema uri ku mwanya wagatanu kuri uru rutonde rw’abahanzi barebwe cyane muri Rusange kuri Youtube niwe uyoboye abandi mu kiciro cy’ufite indirimbo yarebwe cyane aho indirimbo ye yitwa Fun yagejeje ku bayirebye 375 bivuzeko muri aba bahanzi ntawashyize hanze indirimbo Nshya kuko iyo biba uko imibare yabo yakabaye iri hejuru cyane y’iyi bitewe n’uburyo inshya zirebwa ku muvuduko wo hejuru.
