COLUMBIA, SOUTH CAROLINA – Hasigaye imyaka itatu ngo habe amatora ya perezida ya 2028 muri Leta Zunze Ubumwe za Amerika, ariko ishusho y’uko azagenda itangiye kugaragara. Mu gihe amashyaka yombi yitegura, hari abakandida batangiye kwiyerekana, cyane cyane mu matora ya mbere. ariko mu ishyaka ry’Abademokarate, ikibazo kimwe cy’ingenzi kiracyari urujijo: ni iyihe leta izaba iya mbere mu gutora mu matora ya mbere?
Mu matora ya 2024, habaye impinduka ikomeye ubwo Iowa, yari imaze imyaka irenga 40 iza ku isonga, yakuwemo, maze South Carolina ishyirwa imbere, isimbura New Hampshire ku mwanya wayo w’icyubahiro. Izi mpinduka zaje nyuma y’imvururu mu matora ya caucus ya Iowa mu 2020, n’ubwo kandi byagaragazaga n’uruhare rukomeye rw’abatora b’abirabura mu ishyaka ry’Abademokarate.
Uwo mwanzuro kandi washyigikiwe cyane na Perezida w’icyo gihe Joe Biden, wari watsinze bwa mbere muri South Carolina mu 2020, ari nabyo byamuhaye imbaraga zo gukomeza urugendo rwe rwa politiki kugeza agizwe perezida.
Kuri ubu, Abademokarate bo muri South Carolina barashimangira ko bifuza kongera kuba imbere y’abandi mu 2028.Nubwo bimeze bityo, ku rwego rw’igihugu hari abayobozi b’ishyaka bari kwerekana ko bashobora kongera gusubiramo gahunda y’urutonde rw’amatora.
Mu kwezi kwa Gashyantare, Ken Martin, umuyobozi mushya wa Komite Nyobozi y’ishyaka ry’Abademokarate (DNC), yabwiye abanyamakuru ko impinduka, nibiba ngombwa, zizafatwamo icyemezo n’abanyamuryango b’ishyaka ubwabo.
Mu itangazo rigenewe abanyamakuru DNC yemeje ko izategura inzira y’amatora ya 2028 izira uburiganya, iziguye kandi izajyanye n’ubusumbane hagati ya leta zose. Abhi Rahman, Umuvugizi wa DNC yagize ati:“Ibihugu byose bizahabwa amahirwe angana yo gusaba kuba ku isonga,”
Kugeza ubu, nta gihugu kiratangaza ko kifuza gusimbura South Carolina ku mwanya mushya w’icyubahiro. Ariko birashoboka ko ibyo bizatangira kuganirwaho mu gihe gito kiri imbere, cyane ko akanama gashinzwe amategeko n’amabwiriza (Rules and Bylaws Committee) kazatangira gusuzuma uru rubazo mu gihe cy’umwaka utaha.
