Ishyirahamwe ry’umupira w’amaguru mu Rwanda, FERWAFA, ryemeje ko Adel Amrouche ari we mutoza mushya w’ikipe y’igihugu Amavubi. Uyu mutoza ukomoka muri Algeria yahawe amasezerano y’imyaka ibiri, aho azaba yungirijwe na Eric Nshimiyimana. Nshimiyimana azaba afite inshingano zo gufasha Amrouche, ariko kandi akanakurikirana amakipe y’igihugu y’abatarengeje imyaka 20 na 23.
Mu rwego rwo kunoza imyitozo y’amakipe y’igihugu, FERWAFA yanatangaje ko ikipe y’igihugu y’abagore izatozwa na Cassa Mbungo André, na we wahawe amasezerano y’imyaka ibiri. Iyi gahunda nshya igamije kuzamura urwego rw’umupira w’amaguru mu gihugu, cyane cyane hategurwa abakinnyi bashoboye guhangana ku rwego mpuzamahanga.
Adel Amrouche si mushya muri aka kazi kuko afite ubunararibonye bukomeye. Yatoje amakipe y’ibihugu atandukanye arimo Yemen, Kenya, Equatorial Guinea, Botswana, Libya na Tanzania. Uretse ibyo, Amrouche yakoze akazi gakomeye mu kuzamura impano z’abakinnyi b’Abanyafurika, aho yagize uruhare mu iterambere ry’abakinnyi bazwi barimo Papy Faty na Saido Ntibazonkiza.
Uyu mutoza afite impamyabumenyi yo ku rwego rwo hejuru mu gutoza, kuko afite Licence ya UEFA Pro. Yanabaye umwe mu batoza b’inzobere bashinzwe iterambere ry’umupira w’amaguru mu itsinda rya Arsène Wenger muri FIFA Technical Study Group.
Amavubi aritegura kwinjira mu mikino y’ijonjora ryo gushaka itike y’igikombe cy’isi, aho azahura na Nigeria ku wa 17 Werurwe, ndetse na Lesotho ku wa 24 Werurwe. Iyi mikino izabera kuri Stade Amahoro, aho Abanyarwanda bitezweho gushyigikira ikipe yabo mu buryo bukomeye.
Ibi bigaragaza impinduka nshya mu mupira w’amaguru w’u Rwanda, aho hagamijwe kongera imbaraga mu ikipe y’igihugu no kugera ku rwego rwo guhatana n’amakipe akomeye ku mugabane wa Afurika no ku isi.
Nugutegereza tukareba uko agiye kwitwara duhereye mumikino agaye gukina muri uku kwezi kwa gatatu mu mikino yo gusha itike y’igikombe cy’Isi dore ko u Rwanda ruhereye ku mwanya wa mbere mu itsinda ruhereryemo harimo Nigeria,south Africa,Zimbabwe na Lesotho.
Adel Amrouche bidasubirwaho yagizwe umutoza w’Amvubi asinya amasezrano y’imyaka ibiri
Kasambungu Andre yagizwe umutoza w’Amavubi y’Abagore asinya imyaka ibiri
