Teheran, Iran — Mu rugendo rurerure rwo gusubukura ibiganiro kuri gahunda yo gukoresha ingufu kirimbuzi ya Iran, igihugu cyatangaje ko kitazemera icyifuzo cyashyizwe imbere na Leta Zunze Ubumwe za Amerika. Iki cyemezo cyatangajwe nk’igisubizo gikomeye ku biganiro byari bigamije gusimbura amasezerano ya 2015 (JCPOA), amasezerano Iran yari yarasezeyemo nyuma y’uko Trump ayasohotsemo mu 2018.
Amasezerano ya JCPOA yari agamije kugabanya ubushobozi bwa Iran bwo gukora intwaro za kirimbuzi, mu gihe nayo yahabwaga ubwisanzure mu bucuruzi mpuzamahanga. Ariko kuva Trump ayasohokamo mu 2018, Iran yakomeje kongera ibikorwa byo gutunganya uranium, ibintu byateye impungenge amahanga.
Mu gihe Perezida Biden yari amaze gutangira manda ye, Amerika yongeye gushaka uburyo bwo kuganira na Iran, mu gihe n’ibindi bihugu nka France, Germany, na China byageragezaga gutanga umusanzu.
Iran yatangaje ko icyifuzo cyatanzwe n’Amerika gifite ibihano byinshi kidashobora kwemera, ndetse ngo gishyira igihugu mu mwanya wo kwemera kugengwa cyane n’ibihugu by’iburengerazuba. Ikindi, Iran ishinja Amerika kudakurikiza amasezerano uko bikwiye, ndetse ikavuga ko ifite uburenganzira bwo gukomeza gahunda yayo ya kirimbuzi mu buryo bw’amahoro.
ibi bikorwa bya Iran bishobora kugira ingaruka nyinshi kuruhande rwayo, kuri America ndetse nisi muri rusange. zimwe muri izo ngaruka nizi zikurikira:
- Kongera umwuka mubi hagati ya Iran na Amerika
- Ibibazo ku mutekano w’akarere k’Abarabu, cyane cyane Israel na Saudi Arabia
- Uko ibindi bihugu bigira uruhare mu gusubukura ibiganiro, cyane cyane European Union n’u Bushinwa
- Ibitekerezo bikomeye ku gihe cya Trump no ku ngamba ze mu bijyanye na diplomasi
Iki gikorwa cya Iran gifatwa nk’igipfunsi cya dipolomasi ya Trump n’ingaruka zayo ku ruhare rwa Amerika mu burasirazuba bwo hagati.
