Washington D.C. / California – Tariki ya 1 Nyakanga 2025 – Donald Trump, Perezida wa Leta Zunze Ubumwe za Amerika, na Elon Musk, umuherwe uyobora sosiyete nka Tesla na SpaceX, bongeye kwinjira mu makimbirane akomeye, aho bombi bashyamiranye ku ngingo zirebana n’ubukungu bw’igihugu, politiki y’imari, n’uburyo Amerika ikwiye kuyoborwa mu bihe biri imbere.
Mu minsi ishize, Donald Trump yanyujije ubutumwa ku rubuga rwe rwa Truth Social ashinja Musk “kugirira inyungu bwite ku nguzanyo za Leta” no “gukoresha amafaranga y’imisoro y’abaturage ku nyungu za Tesla na SpaceX.” Trump yavuze ko “ubuyobozi bwiza butagomba gutanga amafaranga ku bantu bigira abahanga gusa mu by’ikoranabuhanga ariko batagira indangagaciro z’igihugu.”
Elon Musk nawe ntiyatereye agati mu ryinyo. Binyuze ku rubuga X (rwahoze ari Twitter), yagaragaje ko “gufasha ibigo by’ikoranabuhanga bikora imodoka zidatwara lisansi n’ubushakashatsi mu isanzure ari uguteza imbere Amerika, aho kuba kuyisahura.” Yakomeje ashinja Trump “kudaha agaciro udushya no kubangamira iterambere.”
Trump ashyira imbere politiki yo kugabanya imisoro no guhagarika inkunga ya Leta ku bigo by’ubucuruzi atiye ko bifitiye akamaro abaturage. Ku ruhande rwe, Musk avuga ko “gushyigikira iterambere rya tekinoloji bitari ubwiyahuzi, ahubwo ari kurengera ejo hazaza h’igihugu.”
Uyu mubano ushobora no kugira ingaruka ku bigo bya Leta nka NASA, kuri gahunda y’Amerika yo kurinda ikirere, ndetse n’uburyo Leta izajya igenera ibigo byigenga imishinga y’iterambere.
Amagambo hagati ya Trump na Elon Musk arerekana ishusho y’uko politiki n’ubucuruzi bishobora kwisanga ahantu hari. N’ubwo bombi bafite ijambo rikomeye mu buyobozi n’iterambere, ukutumvikana kwabo gushobora kugira uruhare mu cyerekezo Amerika izafata mu gihe cyegereje cy’amatora ya 2028, ndetse no mu igenamigambi ry’ubukungu n’ikoranabuhanga rishingiye ku mihigo ya Leta nshya izatorwa.
